სამეგრელოში მამა-შვილის დაჭრის ფაქტზე გამოძიება მიმდინარეობს

სამეგრელოში, ზუგდიდის რაიონის სოფელ ალერტკარში, მამაკაცმა მისი მოგვარე მამა-შვილი დაჭრა. ერთ-ერთი დაჭრილი ზამი როგავაა, რომელმაც ჟურნალისტ ლაშა ბერულავასთან საუბარში განაცხადა, რომ მათ თავს ძებნილი პირი დაესხა. დაზარალებულის თქმით, თავდამსხმელმა ცივი იარაღის გამოყენებამდე სანადირო თოფიდან გაისროლა. რუსთავი 2+3

შინაგან საქმეთა სამინისტროს ცნობით, მომხდართან დაკავშირებით გამოძიება სისხლის სამართლის კოდექსის 19-109-ე მუხლით დაიწყო, რაც დამამძიმებელ გარემოებაში ჩადენილ განზრახ მკვლელობის მცდელობას გულისხმობს. უწყების ინფორმაციით, მიმდინარეობს აქტიური საგამოძიებო მოქმედებები, ხოლო პოლიცია 41 წლის მამაკაცს ამ დრომდე ეძებს. რუსთავი 2+2

ინტერპრესნიუსის ცნობით, არსებობს ინფორმაცია, რომ ოჯახებს შორის წარსულში კონფლიქტი იყო. ინტერპრესნიუსი