სვანეთში დაკარგული 20 წლის გოგო გარდაცვლილი იპოვეს

სვანეთში 20 წლის გოგოს სამძებრო სამუშაოები მიმდინარეობდა, რომელშიც საგანგებო სიტუაციების მართვის სამსახური იყო ჩართული. გავრცელებული ინფორმაციით, დაკარგული პირი უცხო ქვეყნის მოქალაქე იყო და სვანეთში ნაქირავები ავტომობილით მარტო მოგზაურობდა. ინფორმაცია გოგოს დაკარგვის შესახებ სოციალურ ქსელშიც ვრცელდებოდა. ფორმულა+4

სამძებრო ოპერაციის შედეგად, 20 წლის გოგო გარდაცვლილი იპოვეს. საგანგებო სიტუაციების მართვის სამსახურის ცნობით, ცხედარი ჭალაადის მყინვარის მიმდებარედ არის ნაპოვნი. მანამდე, ახალგაზრდა ქალის მიერ დაქირავებული ავტომობილი ჭალაადის მყინვართან იპოვეს, თუმცა „ტვ პირველი“ იუწყება, რომ ავტომობილი ჭალაადის მდინარესთან იპოვეს. ფორმულა+3

შინაგან საქმეთა სამინისტროს ცნობით, მომხდარზე გამოძიება საქართველოს სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს. ფორმულა+1