ვარკეთილში, საცხოვრებელი კორპუსის ერთ-ერთ ბინაში ხანძარი გაჩნდა, რის გამოც ადგილზე სახანძრო-სამაშველო ბრიგადები იყვნენ მობილიზებულნი. საგანგებო სიტუაციების მართვის სამსახურის ცნობით, ამ დროისთვის ცეცხლი ლიკვიდირებულია.

საქართველოს პროკურატურამ ჯგუფურად ჩადენილი ძალადობის ფაქტზე ვახტანგ ჟვანიას (იგივე ვატო ყიფიანი), ავთანდილ ბილანიშვილსა და შოთა ყიფიანს ბრალდება წარუდგინა. შინაგან საქმეთა სამინისტროს მიერ ჩატარებული გამოძიების თანახმად, 2026 წლის 14 ოქტომბერს, თბილისის ერთ-ერთ რესტორანში, აღნიშნული პირები დაზარალებულს ფიზიკურად გაუსწორდნენ, რის შედეგადაც მან…

„კოალიცია ცვლილების“ ლიდერმა ნიკა გვარამიამ განაცხადა, რომ დავით ოქიტაშვილის განცხადება არის საზოგადოებრივი აზრის მომზადება მამუკა მდინარაძისა და თინათინ რუხაძის დასაკავებლად. გვარამიას თქმით, ოქიტაშვილის ეს განცხადებები ბიძინა ივანიშვილის მხრიდან არის დაკვეთილი.

„ნაციონალური მოძრაობის“ წევრმა ხატია დეკანოიძემ „ქართული ოცნების“ მიერ საკონსტიტუციო სასამართლოში შეტანილი სარჩელი, რომელიც პარტიების აკრძალვას ეხება, ქვეყნის სუვერენიტეტისთვის საფრთხედ შეაფასა. დეკანოიძის თქმით, სარჩელი ეყრდნობა თეა წულუკიანის კომისიის დასკვნას და წარმოადგენს „ზორკინის დოკუმენტს“, რაც მისი განმარტებით, რუსული დავალების შესრულებას ნიშნავს.

რუსეთის საგარეო საქმეთა მინისტრმა სერგეი ლავროვმა ბაქოში გამართულ პრესკონფერენციაზე განაცხადა, რომ უკრაინაში ცეცხლის შეწყვეტა არ იქნება. მისი თქმით, მოსკოვი ცეცხლის შეწყვეტას არ დათანხმდება, რადგან უკრაინის პრეზიდენტმა ვოლოდიმირ ზელენსკიმ არჩევნების ჩატარებისთვის მიუღებელი პირობები დააწესა.

შინაგან საქმეთა სამინისტრომ დაადასტურა ე.წ. კრიმინალური ავტორიტეტის, ვატო ყიფიანისა და ავთანდილ ბილანიშვილის, ცნობილის როგორც „კაწრო“, დაკავების ფაქტი. დაკავებულებს ბრალი ჯგუფურად განხორციელებულ ძალადობაში ედებათ, რაც სისხლის სამართლის კოდექსის 126-ე მუხლის 1-ელი პრიმა ნაწილის „ბ“ ქვეპუნქტით ისჯება.

პატიმრობაში მყოფი ლევან ხაბეიშვილი საკონსტიტუციო სასამართლოში ოპოზიციური პარტიების აკრძალვის პროცესზე დასწრებას ითხოვს. შესაბამისი განცხადება პოლიტიკოსმა სოციალურ ქსელ „ფეისბუქზე“ გაავრცელა.

საპარლამენტო უმრავლესობის ლიდერი ირაკლი კირცხალია მედიაში გავრცელებულ ინფორმაციას მისი თანამდებობიდან გადადგომის შესახებ უარყოფს. კირცხალიას თქმით, აღნიშნული საკითხი არ განიხილება და გავრცელებული ცნობები არის „ჭორი და სიცრუე“.

კომპანია „კრიპტომატმა“ გაავრცელა განცხადება, რომელშიც „ბიტექსჩეინჯის“ მენეჯმენტის მიერ გამოთქმულ ბრალდებებს პასუხობს. „კრიპტომატის“ შეფასებით, კონკურენტი კომპანიის განცხადებები საკუთარი მძიმე დარღვევების გადაფარვის მცდელობაა. კომპანია აცხადებს, რომ „ბიტექსჩეინჯი“ წლების განმავლობაში არაკეთილსინდისიერი კონკურენციით გამოირჩევა, რის გამოც მათ არაერთხელ მიმართეს სახელმწიფო სტრუქტურებს და სასამართლოში სარჩელიც…

საქართველოს პრემიერ-მინისტრი ირაკლი კობახიძე სომხეთის რესპუბლიკას ეწვია, სადაც მას ერევნის ზვართნოცის საერთაშორისო აეროპორტში სომხეთის ვიცე-პრემიერი მჰერ გრიგორიანი დახვდა. პრემიერ-მინისტრი მონაწილეობს გაერო-ს ბიოლოგიური მრავალფეროვნების შესახებ კონვენციის მხარეთა მე-17 კონფერენციაში, რომელიც 15-16 ოქტომბერს იმართება.